Swyddog Gweinyddol a

Dyam gyfle rhagorol i ymuno â thîm Yes Cymru. Mae Yes Cymru yn hyrwyddo annibyniaeth i Gymru drwy ystod o weithgareddau, er mwyn dangos y byddai Cymru, fel cymaint o genhedloedd eraill drwy'r byd, yn fwy effeithiol drwy ofalu am ei materion ei hun fel rhan o deulu Ewropeaidd a rhyngwladol ehangach.

Rydyn ni'n edrych am Swyddog Gweinyddol, Ariannol a Datblygu i fod yn gyfrifol am reoli swyddfa Yes Cymru o ddydd i ddydd gan sicrhau gweinyddiaeth effeithlon, cefnogi a chynnal aelodau a datblygiad grŵp, rheoli gweithdrefnau a materion ariannol a darparu cefnogaeth weinyddol i Gyfarwyddwyr a grwpiau Yes Cymru.

Bydd yr ymgeisydd llwyddiannus yn allweddol i dyfiant a datblygiad aelodaeth Yes Cymru yn ogystal â chynyddu effeithiolrwydd ac effeithlonrwydd oddi fewn strwythur Yes Cymru.

Mae'r gallu i gyfathrebu i safon foddhaol ar lafar ac yn ysgrifenedig drwy'r Gymraeg a'r Saesneg yn hanfodol ar gyfer y swydd hon.

Mi fyddwch chi'n wych wrth gyflawni'r canlynol!

  • Cefnogi'r tîm mewn gweithgarwch a chysylltiadau cyhoeddus, gan gynnwys y wefan, cylchlythyr a'r cyfryngau cymdeithasol;
  • Ymchwilio i sefydliadau sy'n gallu cynnig cefnogaeth ychwanegol a chofnodi manylion cyswllt sefydliadau ar gyfer y dyfodol;
  • Cefnogi rheolaeth aelodaeth, gan gynnwys gweinyddu'r System Rheolaeth Cysylltiadau Cwsmer;
  • Cefnogi'r Arolwg Aelodaeth a gynhelir yn gyson er mwyn darparu gwybodaeth am bob agwedd o'r arolwg sgiliau aelodau drwy Nation Builder a'u gallu i gefnogi agweddau ar waith Yes Cymru.
  • Creu adroddiadau llafar neu ysgrifenedig ar gyfer cyfarfodydd a phwyllgorau cysylltiol ar waith Yes Cymru;
  • Ymgynghori a chysylltu, sgiliau adeiladu tîm, sgiliau gwrando da a datblygu gwybodaeth a dealltwriaeth o gymuned Yes Cymru;
  • Diweddaru cofnodion a chronfeydd gwybodaeth ariannol a chyfreithiol personèl;
  • Talu derbynebau a chofnodi'r taliadau ar Xero;
  • Trefnu ac archebu deunydd ysgrifennu, papur ac offer yn ôl y galw;
  • Cynorthwyo gyda chofnodi cytundebau ynghylch talu am wasanaethau;
  • Cynorthwyo cyfrifyddion y cwmni yn ôl y galw i goladu gwybodaeth angenrheidiol ar gyfer talu cyflogau yn brydlon;
  • Cynorthwyo i gadw cofnod o wyliau blynyddol a salwch staff;
  • Sicrhau hyfforddiant perthnasol yn ôl anghenion a nodwyd gan y Prif Swyddog Gweinyddol neu'r NGB;
  • Dilyn a gweithredu mesurau Iechyd a Diogelwch priodol yn holl weithgarwch y cwmni.

Gallwch chi ddisgwyl:

  • 33 diwrnod o wyliau'r flwyddyn pro rata, sy'n cynnwys Gwyliau Banc
  • Cynllun Pensiwn y Cwmni
  • Gweithio gartref- oriau hyblyg er y bydd angen presenoldeb mewn cyfarfodydd neu achlysuron a drefnwyd.
  • Cyflog o £24,982 - £27,041 y flwyddyn 

Bydd angen i'r ymgeisydd llwyddiannus arddangos cymwysterau, hyfforddiant neu brofiad yn y meysydd canlynol:

  • Profiad gweinyddol blaenorol (dwy flynedd)
  • Technoleg Gwybodaeth a sgiliau cyfrifiadur
  • Rheolaeth Swyddfa gan gynnwys cynnal a gofalu am ohebiaeth ac adnoddau'r swyddfa
  • Amserlennu cyfarfodydd a chofnodi
  • Datblygu tîm neu gymuned

Sgiliau dymunol:

Mae'r sgiliau canlynol yn ddymunol er nad yn hanfodol gan y cynigir hyfforddiant:

  • Profiad gyda System Rheolaeth Cysylltiadau Cwsmer
  • Gwybodaeth o feddalwedd cyfrifeg: Xero, Quick Books, Free Agent, Sage neu debyg.

 

I ymgeisio danfonwch eich CV a llythyr cais at [email protected] erbyn 20/05/2022

Dangos 1 ymateb

  • Bethan Williams
    published this page in Swyddi 2022-05-11 12:45:52 +0100